26/02/2020
Garejeda Kindercup de slalom strent a Steinhaus
Cun la vëntes de Manuel Senoner y Samuel Demetz
La mutans y i mutons dla categoria cuccioli under 12 à n sada ai
22.02.20 teut pert ala garejeda de slalom strent a Steinhaus tl Ahrntal ulache fova scric it ben 197 mutons de dut Südtirol. L fova na garejeda a chëla che i mutons ti dajova gran mpurtanza, davia che l fova l ultima puscibltà per se davanié mo vel pont y pudëi nscì se cualifiché ala garejedes a livel naziunel "Criterium Nazionale" che unirà chëst'ann purtedes ora per l prim iede tl Südtirol, avisa sun la mont de Ratschings y sun l Rosskopf.
La cundizions fova dut auter che saurides: l purtoi bendebo dur daduman y da bujes plu inant fova scialdi mpeniatif. Purempò ie la mutans y i mutons dl Schiclub Gherdëina stac boni de arjonjer de biei plazamënc.
Tla categoria mutans nasciudes tl ann 2009 ie Nicole Piccolruaz ruveda terza, Elisa Broll cuarta y Romy Shahini nona.
Dai mutons nasciui tl medemo ann ie Samuel Demetz deventà prim, Valentin Petritsch cuinto y Thomas Stuffer cuindicesimo.
Tla categoria mutans nasciudes tl ann 2008 ie Arianna Putzer ruveda sesta y Nives Runggaldier dodicesima.
Dai mutons nasciui tl ann 2008 udons Manuel Senoner sun l prim post, Florian Schmalzl sun l cuarto y Luisi Plancker sun l cuinto post.
Nce chëst'iede ti iela jita fata ai mutons dl Schiclub Gherdëina de vëncer la tlassifica a scuadres cun bën 448 ponc, dan al ASV Völs-Schlern cun 203 ponc y l ASC Rasen cun 200 ponc. (besim)
