04/03/2019
Garejeda de slalom strënt VSS Landescup sun Piz Sella
Beliscima vëntes de Arianna Putzer dl SC Gherdëina y David Castlunger dl SC Ladinia
L Schi Club Gherdëina à metù a ji n dumënia ai 24 de faurè la garejeda de slalom strënt “Duca di San Giusto” sun Piz Sella per mëndri nasciui ti ani 2007 y 2008. Pra chësta garejeda, n slalom strënt furnà te 2 manch, à me i mieures de Südtirol pudù fe pea, me chëi che se à cualificà tl ultima garejedes VSS de raion.
Chësta dumënia cun n beliscimo tëmp y l purtoi de slalom da Piz Sella jù njeniei ca a putin dai culaboradëures y alenadëures dl Schi Club Gherdëina á fat pea bën 220 atlec y atletes de dut Südtirol nasciui ti ani 2007 y 2008. La garejeda ie propi garateda y l schi club Gherdëina à giatá cumplimënc da plù pertes. Perchël ti va n rengraziamënt ai mplantisc de Plan de Gralba y a Igor Marzola che nes à dat la puscibilità de mëter a ji chësta garejeda, a Alan Stuffer per si disponibilità y a la buteighes Conad y Berna per i pesc’. Sambën che zenza i genitores y volenteres che juda dut ntëur ite ne jissla nia ala mëter a ji tan a puntin. Ënghe a d’ei ti va n rengraziamënt sciche a dut l cunsëi dl schi club cun la cumiscion de schi alpin Fredi Demez, Christian Plancker, Angelo Senoner, Marco De Nardin, Gerry Demetz, Alex Linder, Ulrike Schenk y Karl Heinz Goller.
I atlec dl schi club Gherdëina à inó pudù mustré sù de beliscimi risultac y nscì vëncer la tlasifica di clubs cun 336 ponc, dan l ASV Taisten cun 240 y SC Ciastel cun 225 ponc. Per auzé ora l merit, l mpeni y l bon leur di trainadëures de chisc pitli atlec ie unì premiei i trainadëures di prim trei schi clubs. Per l schi club Gherdëina à pudù pie do l prim pest, n bel cëst dat ca dala butëiga Berna: Manuel Insam, Benjamin Prucker, Alex Scapolan y Andreas Prinoth.
N cumplimënt ti va sambën dantaldut ai atlec nstesc ma ënghe ai maestri de schi dla scoles de schi de Gherdëina che njenia ca chisc mutons da pitli insù dan che i zapa ite tl schi club.
Tlo dessot i mieur plazamënc de chëi de Gherdëina y dla Val Badia: la tlasifiches plu avisa pudëis liejer do sun la plata www.sciclubgherdëina.it (lb)
Mutans sota 11 ani nasciudes tl 2008:
1. Arianna Putzer SC Gherdëina 1:07:48
6. Vanessa Linder SC Gherdëina 1:09:50
13. Nives Runggaldier SC Gherdëina 1:14:06
Mutons sota i 11 ani nasciui tl 2008:
1. Nicola Zamprdi AS Merano 1:06:13
9. Stefan Rudiferia SC Ladinia 1:12:16
13. Florian Schmalzl SC Gherdëina 1:13:00
19. Christian Kostner SC Gherdëina 1:15:07
Mutans sota i 12 ani nasciudes tl 2007
1. Alice Spizzica ASV Taisten 1:06:24
4. Lisa Mahlknecht SC Gherdëina 1:08:58
5. Noemi Thaler SC Gherdëina 1:09:36
9. Rebecca Vetturini SC Ladinia 1:11:34
17. Joy Senoner SC Gherdëina 1: 13:23
Mutons sota i 12 ani nasciui tl 2007
1. David Castlunger SC Ladinia 1:04:51
5. Tim Stuffer SC Gherdëina 1: 08:10
11. Aaron Stuffer SC Gherdëina 1:10:47
15 Matteo Senoner SC Gherdëina 1:10:82
16. Luca Merler SC Gherdëina 1:10:95
19. Robin Insam SC Gherdëina 1: 11:18
