alpino

17/02/2020

Garejeda de slalom lerch Vss sun la Plose

Arianna y Manuel vënc!

Sun l purtoi Schöneben sun la Plose, iel n dumenia ai 16.02.20 unida purteda ora la segonda garejeda Vss de slalom lerch, ulache l à teut pert ben 206 mutans y mutons danter i sies y i dodesc ani. L Schiclub Gherdëina à nce pra chësta garejeda pudú inò purté a cësa de biei risultac.

Pra la categories U10, che fej mo pert dl grupo Fisi, udons dala mutans Denise Demetz sun l segondo post, Ines Puntscher sun l sesto post, Natalie Kostner sun l setimo post y Vicky Insam sun l otavo post. Dai mutons ie Alex Putzer deventà cuinto, Liam Perathoner setimo y Alex Stuflesser nono.

Tla categoria U12 ie dala mutans Arianna Putzer deventeda prima, Nicole Piccolruaz cuinta, Romy Shahini sesta, Angelina Rigotti setima, Elisa Broll otava y Nives Runggaldier nona. Dai mutons udons Manuel Senoner sun l scialier plu aut, Luisi Plancker sun l terzo post y Kevin Avesani ie deventà setimo.

Chisc biei plazamënc à purta prò che l Schiclub Gherdëina se à davanià nce inò la tlassifica a scuadres cun 568 ponc, dan al Asv Jochtal-Gitschberg cun492 ponc y l Asv Ratschings cun 309 ponc.

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook