alpino

13/01/2020

Doi garejëdes FIS di jëuni de slalom sun Piz Sella


L schi club Gherdëina à metù a jì n sada y dumënia sun Piz Sella cun n beliscimo tëmp y cundizions dl purtoi a puntin, doi garejedes de slalom strënt FIS per jëuni che vel per l Marlene Cup.

Tla garejedes à fat pea n grum de atlec danter i 16 y 21 ani: n sada 113 mutons y 71 mutans y n dumënia fovel ënghe feter 180 che ie piei via. N sada ala dassën butà ai atlec dl schi club Gherdëina: Pra i mutons à fat l mieur tëmp de duc vencian ala ngranda la garejeda Max Malsiner, terzo de duc ie ruva Max Perathoner, tramedoi dl SC Gherdëina y che fej la scola sportiva ITE Raetia a Urtijëi.

N sada à fat l mieur tëmp Sommarova Elese dla Cechai, Gaby Hofer ie ruveda boniscima 3^ de dutes y à venciù la tlasifica dl Marlene Cup.
N dumënia ie stata la plù asvelta dla mutans Frenademez Emmi dl SC Ladinia, boniscima terza de dutes Vicky Bernardi y prima tla cat. aspiranc, ënghe eila dl SC Ladinia y tla scola dl sport ITE Urtijëi. Di mutons ie Zazzaro Giovanni che fej pert di Carabinieri stat l plù asvelt.

L schi Club Gherdëina rengrazia duc canc che à judà pea a mëter a ji chësta garejedes, dantaldut Fredi Demez responsabl dl schi alpin dl Schi Club Gherdëina, dut l cunsëi, sambën i trainadëures che à njenià ca i purtoies, Moritz dl restaurant Val Pudra per si ospitalitá, l Superskipass Dolomiti, i mplanc Piz Sella/Plan de Gralba y la Butëiga Maciaconi per i pesc.

Sponsor

Raiffeisen Gherdeina
ITC Raetia sezion Sport GherdëinaCentro Fondo S.Cristina

Foto

Facebook