18/12/2018
Doi garejedes dl Marlene Cup de slalom lerch te Pfelders
n valgun podesc’ per i atlec ladins
A n valgun atlec dla categories aspiranti (ani 2002 y 2001) y juniores (ani 2000 y 1999) ti à la garejedes butà
Te Pfelders ie states sada 15.12. y dumënia 16.12. doi garejedes de slalom lerch dl Marlene Cup. La pista fova snieda ca a puntin cun la nëif bela dura y mpué dlaceda.
Pra la garejeda dl prim di à tla categoria aspiranti – mutans venciù Gasslitter Patrizia de Ciastel, segonda ie ruveda Bernardi Vicky dl Schi Club Ladinia y che va tla scola sportiva de Urtijëi. Pra i mutons de chësta categoria a venciù Putzer Simon de Sterzing y Comploj Matthias dl Schi Club Gherdëina ie ruvà terzo. Pra i juniores – mutans à venciù Kaufmann Ines de Auer y pra i mutons Gramm Lukas de Ciastel.
La garejeda dl segondo di ie stata purteda ora inò sun l medemo purtoi dl di dant.
N chësc di à tla categoria aspiranti – mutans inò venciù Gasslitter Patrizia de Ciastel y Nogler Kostner Nicole dl Schi Club Gherdëina ie ruveda terza. Pra i mutons à ënghe inó venciù Putzer Simon de Sterzing y Senoner Aaron dl Schi Club Gherdëina ie ruvà segondo. Pra i juniores – mutans à ënghe venciù chëla che ova bel venciù l di dant, Kaufmann Ines de Auer, y Kerschbaumer Sofia dl Schi Club Gherdëina ie ruveda segonda. Pra i juniores – mutons à venciù Oberhammer Matthias de Innichen.
Ndut pon vester drët cuntenc cun i resultac arjonc dai atlec dl Schi Club Gherdëina Raiffeisen. (cm)
